16 красавіка ў Мінску на базе ўстановы «Рэспубліканскі цэнтр алімпійскай падрыхтоўкі па тэнісе» прайшоў заключны дзень першынства Рэспублікі Беларусь сярод юніёрак і юніёраў 2007 года нараджэння і маладзей па настольным тэнісе.

16.04.2026

У парным разрадзе сярод юніёрак сярэбраным прызёрам стала навучэнка Гомельскага комплекснага цэнтра алімпійскага рэзерву першынства стала СУХАРЬКОВА Дар'я.
Сярод юніёраў не было роўных нашаму выхаванцу Шутаву Нікану, які ў пары са спартсменам з Брэста ўпэўнена ўзяў верх 3:0 над парай, у складзе якой быў таксама наш выхаванец РАЖЧАНКА Арсеній.

Фінал адзіночнага разраду сярод юніёраў атрымаўся чыста Гомельскім.

Шутаў Нікан у фінале супраць РАЖЧАНКІ Арсенія цалкам кантраляваў ход сустрэчы і дазволіў Арсенію выйграць усяго адзін сэт: 4:1.

Такім чынам спартсмены Гомельшчыны заваявалі на юніёрскім рэспубліканскім першынстве 2 залатыя і чатыры сярэбраныя медалі.

Віншуем пераможцаў, прызёраў першынства і трэнераў, якія рыхтавалі іх да гэтага важнага старту. Ужо 18 красавіка Нікан прыме ўдзел у міжнародным турніры сусветнай серыі WTT Feeder Senec 2026 у Славакіі.

Да спісу навін